Want create site? Find Free WordPress Themes and plugins.

Жорий йилнинг декабрь ойида Бандлик ва меҳнат муносабатлари вазирлигининг илмий маркази томонидан мамлакатимизнинг 108 та шаҳар ва туманларида навбатдаги ижтимоий тадқиқот ўтказилди. У билан 485 та фуқароларни ўзини-ўзи бошқариш органлари, 4,9 мингта уй хўжаликлари ва 25,8 минг нафар фуқаро қамраб олинди.

Тадқиқот натижаларига кўра ишга муҳтож бўлганларнинг умумий сони 1335,3 минг киши ёки иқтисодий фаол аҳолига нисбатан ишсизлик даражаси 9,0 фоизни ташкил этган ва 2018 йилга нисбатан 0,3 фоизга пасайган. Шунингдек, 16-30 ёшгача бўлганлар ўртасида ишсизлик даражаси 15 фоизни, аёллар ўртасида – 12,8 фоизни ташкил этган.

2019 йилда меҳнат ресурслари сони 19007,8 минг кишига етиб, 2018 йилга нисбатан 100,9 фоизни ташкил этади. Иқтисодиёт тармоқларида банд бўлганлар сони 13541,1 минг кишини ташкил қилди (ўтган йилга нисбатан 102 фоиз).

2019 йилда илк бор расмий секторда банд аҳоли сони 2018 йилга нисбатан 3,7 фозга кўпайиб, 5712,1 кишини ташкил қилди.

Норасмий секторда банд бўлганлар сони (меҳнат мигрантларисиз) 5368,3 минг кишини ташкил этди, иш ўринларини легаллаштириш бўйича чора-тадбирлар амалга оширилиши натижасида вақтинчалик ва мавсумий ишларни бажарувчилар 19,6 мингга, рўйхатдан ўтмасдан ва тегишли рухсатномасиз фаолият кўрсатаётган тадбиркорлар 42,8 мингга камайган.

2019 йилда иқтисодий нофаол аҳолининг сони камайиши кузатилди. Жумладан, ишлашни хоҳламаётганлар ёки дархол ишга жойлашишга имконияти йўқлар 73,9 мингга ёки 9,6 фоизга камайган, бу эса аҳолининг меҳнат ва тадбиркорлик фаоллиги ортганлигини билдиради.

Тадқиқот натижаларига кўра мамлакатимиздан ташқарига ишга кетганлар сони 2460,2 минг кишини ташкил этган, бу эса ўтган йилнинг мос даврига нисбатан 103,2 фоизга тенг.

2019 йилда туман (шаҳар) Аҳоли бандлигига кўмаклашиш марказларига 773 452 фуқаро иш топишга ёрдам сўраб мурожаат қилган (улар орасида 30 ёшгача бўлганлар сони 218 025 нафарни ташкил этган). Мурожаатчиларнинг 356 897 нафари иш билан таъминланди, 263 230 киши жамоат ишларига жалб қилинди. 36 750 нафар фуқаро касбга ўқитишга жалб қилинди, 57 874 нафар фуқарога ишсизлик нафақаси тайинланди.

Бандликка кўмаклашиш Давлат жамғармаси ҳисобидан ишга олган ишсиз фуқароларнинг касбий малакасини ошираётган иш берувчиларга, тадбиркорлик фаолиятини бошламоқчи бўлган ишсизларга, шахсий томорқаларини ривожлантираётган фуқароларга, шунингдек, аҳолининиг эҳтиёжманд қатламларини ишга олган корхоналарга 12,2 млрд. сўм миқдорда беғараз ёрдам (субсидиялар) ажратилди, натижада 12,9 минг нафар ишсиз фуқароларнинг бандлиги таъминланди.

39,1 мингдан ортиқ ўз-ўзини банд қилиб, уй шароитида ишлаётган фуқароларга (беморлар ва кексаларга қараб туриш, уй ишларини бажариш, мебель таъмирлаш, сантехника ва электромонтаж ишлари, автомобилларни таъмирлаш ва ювиш, репетиторлик қилиш ва ҳоказо фаолият турлари бўйича) меҳнат стажини ҳисоблаш ва пенсия олиш ҳуқуқини бераётган вақтинчалик меҳнат гувоҳномалари берилди.

Did you find apk for android? You can find new Free Android Games and apps.