Want create site? Find Free WordPress Themes and plugins.

30 январь куни Ўзбекистон Республикаси Бандлик ва меҳнат муносабатлари вазири Н.Хусанов АҚШ Савдо вакили офисида АҚШ Савдо вакили ёрдамчиси К.Улсон билан учрашди.

Музокаралар давомида АҚШ вакилларига бандлик ва меҳнатни муҳофаза қилишни қўллаб-қувватлаш бўйича мамлакатда амалга оширилаётган чора-тадбирлар тўғрисида батафсил маълумот берилди. Хусусан, миллий қонунчиликда халқаро меҳнат стандартларини жорий этиш, Давлат меҳнат инспекцияси фаолиятининг самарали мехaнизмлари, одам савдоси ва мажбурий меҳнатга қарши курашиш Миллий комиссиясининг фаолияти тўғрисида маълумотлар тақдим этилди.

Учрашув давомида К.Улсон АҚШ ҳукумати Ўзбекистоннинг мажбурий меҳнатга барҳам бериш борасида эришган ютуқларини, айниқса меҳнат тўғрисидаги қонунларни такомиллаштириш ва қишлоқ хўжалигида таркибий ислоҳотларни амалга ошириш борасидаги фаолиятини юқори баҳолаётганини таъкидлади.

Did you find apk for android? You can find new Free Android Games and apps.